Dating sigla ng Kamundagan Festival sa Naga City , hindi pa naibalik

NAGA CITY –  Walang bonggang pagdiriwang ng Kamundagan Festival ngayong Disyembre, tulad ng naglalakihang parol, pagandahan ng Belen ng mga barangay at pagsindi ng higanteng Christmas Tree sa Plaza Quezon.

Ito ang diretsahang inihayag sa media ni Allen Reondanga, City Events Protocol and Public Information Office (CEPPIO) Chief.

Maraming ginastosan noong pandemya, mahal din ang bayarin sa kuryente ng City Hall at malaki ang ginagastos sa petrolyo.

Hinahanap ng publiko ang nakasanayang makulay at masayang pagdiriwang ng lungsod tuwing dumarating ang Disyembre, bago pa man magkaroong ng pandemya. Ang Pastores de Belen na nilalahukan ng 27 barangay ng lungsod na makikita sa kahabaan ng Panganiban drive, isa rin sa hinahanap.

Magkakaroon ng lamang ng concert sa plaza na gagawin ng mga local bands at local artists, mangyayari ito sa December 10,11 and 12 ng gabi. Paliwanag ni Reondanga, magandang pagkakataon din ito upang  makilala ang local artists ng lungsod na nabalewala din mula ng magkaroon ng pandemya. Libre aniya itong mapapanood sa plaza na tiyak na ikalulugod ng mga manonood.

Ang Plaza Rizal at Plaza Quinse Martires ay puno ng pailaw.

Leave a Reply

Your email address will not be published. Required fields are marked *