Davao City diarrhea outbreak – 3 dead; higit 20 barangay, apektado

DAVAO CITY – Nadagdagan na naman ng isa ang naitalang namatay dahil sa Diarrhea Outbreak sa Toril District.

Sa pahayag ni Dr. Ashley Lopez sa City Health Office (CHO), isang 32 anyos na guro, tubong Purok 2 Mandus Lingig, Surigao del Sur ngunit temporaryong naninirahan sa Lubogan Toril nitong lungsod ang ikatlong namatay.

Nakaranas ang pasyente ng severe dehydration at metabolic disorder habang naka-confine sa isang ospital sa Toril dahilan na nilipat ito sa Southern Philippines Medical (SPMC) hanggang sa nalagutan ng kanyang buhay.

Sinasbaing bago nakaranas ng sintomas, kumain pa ito ng isaw at uminom ng tapioca sa street foods sa Rasay Toril nitong lungsod.

Kung maalala, una ng namatay ang isang 10 anyos na bata at isang lolo dahil pa rin sa diarrhea.

Samantalang sinabi rin ni Dr. Lopez na kinokonsidera nila ang pagsasagawa ng extension sa seminar sa mga street food vendors sa lungsod matapos ang outbreak at isa sa mahigpit nilang ipapatupad ay ang pagpresenta ng health card ng mga street food vedors para matiyak na malinis ang kanilang tinitinda.

Sa kasalukuyan, nasa 218 na ang naitalang apektado ng diarrhea mula sa higit 20 mga Barangay.(BNFM DAVAO)
#

Leave a Reply

Your email address will not be published. Required fields are marked *