Davao City LGU mohatag og incentives sa magpabakuna

GITUN-AN na karon sa lokal nga panggamhanan ang posibleng paghatag og incentives sa mga indibdwal nga magpabakuna alang sa first dose.

Gisaysay ni Davao City Mayor Sara Duterte-Carpio kagahapon, usa kini sa mga himoong lakang sa City LGU aron maaghat kadtong mga nagduha-duha ug kadtong wala pa nakapabakuna.

Dugang sa alkalde nga himoon kini sa duha ka mga vaccination centers nga gipili isip pilot area apan wala una gipanganlan.

Sa pikas bahin gikumpirma usab sa Mayor nga magpadayon ang pagserbisyo sa Bakuna Nights human sa malampusong duha ka adlaw nga pilot test sanglit wala matud pa girekomenda sa vaccination cluster nga hunungon ang pagbakuna panahon sa gabie.

Magsilbi na kini nga usa sa mga stratehiya sa City LGU pagkab-ot sa 438,000 indibdiwal nga mahatagan sa ilang first dose sa bakuna.BNFM-DAVAO

Leave a Reply

Your email address will not be published.