Davao City nagpabiling anaa sa low risk status

Nagpabilin gihapon nga anaa sa low risk ang syudad sa Davao sa milabay nga mga adlaw base sa 2 week growth rate ug Average Daily Attack Rate.

Sumala kang Dr. Ashley Lopez, labaw sa City Health Office, mas ubos ang case fatality rate sa Davao City kung itandi sa ubang mga syudad ug probinsya.

Ang low risk status sa syudad luyo sa nagpadayong surveillance testing sa nagkadaiyang barangay, buhatan, establisyemento ug nagkadaiyang sektor sama sa mga PUV food and delivery drivers.

Sigon sa opisyal nga ubos lang usab ang nagpositibo sa kapin dos mil nga unang napailawum sa swab test sukad gisugdan hangtud Mayo uno sa hut-ong sa mga PUV food and delivery drivers.