Hapsay ug malinawon ang dakbayan sa Davao ug walay namonitor nga nagpahigayon og transport strike.
Kini nunot sa natigayon nga tulo ka adlaw nga tigil-pasada sugod kagahapong adlawa, Nobyemre 20 hangtod 23 tuig kasamtangan sa grupong PISTON isip protesta sa PUV modernization.
Alas-10:00 pasado sa buntag, nagpahigayon og rally ang Transmission Piston kauban ang Anakbayan,KMU-SMR ug KPL-SMR ug anaa lamang sa 15 ka mga partisipante.
Singgit sa mga nahisgutan mao ang dili pag-pahase out sa traditional Jeepney, ibasura ang Omnibus Franchising Guidelines, ug ayuda alang sa mga driver ug gagmay’ng mga operator.
Apan kinatibuk-an, hapsay ug normal nga natapos ang maong aktibidad.