Human sa 2 ka tuig nga pahulay tungod sa COVID-19 Pandemic, ang Davao Oriental Provincial Athletic Meet mihimo og madaugon nga pagbalik karong tuiga uban sa engrande nga dula niini sa katapusan sa semana gikan sa Mach 17–19, 2023, nga gidumala sa Munisipyo sa Lupon.
Ang gipaabot nga provincial sporting event gitambongan sa mga atleta, coaches, ug sports enthusiasts gikan sa napulo ka lungsod sa probinsiya.
Naghiusa ang mga batan-ong atleta gikan sa matag suok sa Davao Oriental aron makigtigi, nga nagpakita og taas nga kahanas sa kompetisyon sa matag kategorya ug nakigbahin sa lain-laing athletic events.
Sa pagtambong sa Opening Ceremonies, si Gobernador Corazon N. Malanyaon nagpahayag sa iyang kahinam alang sa pagbalik sa mga dula ug iyang gipamulong nga ang mga estudyante adunay oportunidad sa pagpakita sa ilang mga talento ug abilidad sa sports.
Iyang gikonsiderar ang maong mga sports initiatives isip usa ka hingpit nga training ground alang sa pagpasidungog sa sunod nga sports gems sa Davao Oriental, nga mahimong sunod nga National o Olympic champions ug makahatag og garbo ug dungog sa probinsiya.
Ang mga kuwalipikadong atleta sa provincial meet moabante aron morepresentar sa Probinsya sa Davao Oriental sa Davao Regional Athletic Association (DAVRAA) Meet 2023 karong Abril 24-28 sa Davao Del Norte Sports and Tourism Complex sa Tagum City, ug makigtigi batok sa contingents gikan sa Davao City, Digos City, IGACOS (Island Garden City of Samal), Mati City, Panabo City, Tagum City, Davao Del Norte, Davao Del Sur, Davao De Oro, and Davao Occidental.