Davao Oriental walay lockdown

Giklaro sa Probinsiya sa Davao Oriental nga dili sila magpatuman og tempoyaryong lockdown.

Kini mao ang giluwatan ni Governor Nelson Dayanghirang luyo sa gikatahong mag temporary lockdown ang maong probinsya.

Ang Provincial Task Force-COVID-19 padayon sa pagtamod sa sumbanan nga gipatuman sa Inter-Agency Task Force for the Management of Emerging Infectious Diseases guidelines (IATF) ilawom sa Alert Level 2  kung asa mao ang classification status sa Davao Oriental.

Gawas niini, mihangyo ang opisyal sa mga kasikbit nga lugar nga padayong sundon ang health protocols ilabi na nga aduna nay bahad sa omicron variant ingonman aron dili na kini makasulod pa sa mga lugar dinhi sa rehiyon.

Hinuon, padayon gihapon ang pagpaningkamot sa maong probinsiya aron malikayan ang pagsaka sa kaso sa Covid-19 ug dili makasulod ang omicron nga gikatahong mas makatakod.

Padayon sab nga nanawagan ang mga otoridad sa publiko nga magpabakuna na aron maproteksyon ang kaugalingon ug ang ubang tawo batok virus.

Leave a Reply

Your email address will not be published. Required fields are marked *