Aprubado eun it House panel ro mga gindihon nga laye sa mga lokal nga kapistahan sa Aklan.
Daywa ka resolusyon nga may kaangtanan sa local public holidays sa probinsiya it Aklan ro gin-aprubahan it House Committee on Local Government.
Ro House Bill No. 1373 hay tuyo nga ideklara ro ika-31 it Hulyo bilang sambilog ka special non-working public holiday sa Tangalan, Aklan nga pagatawgon nga “Tangalan Day”.
Raya hay selebrasyon it pagbueag it banwa it Tangalan sa Makato, matapos ginpirmahan ni Pangulong Elpidio Quirino aro sambilog ka laye ku Hulyo 31, 1948 nga nagbieog it munisipalidad it Tangalan.
Sa pihak nga bahin, gin-aprubahan man it komite ro House Bill No. 3002 nga nagadeklara sa Nobyembre 3 it kada dag-on bilang special non-working public local holiday sa Kalibo, Aklan nga pagatawgon nga “Kalibo Foundation Day”.
Ro banwa it Kalibo hay gintukod ku Nobyembre 3, 1571 sa idaeom it sistemang encomienda ku tiempo ni Gobernador Miguel Lopes de Legaspi./JIL B. LACSON