KALIBO, AKLAN—Kaibahan do bag-ong ungang eapsag nga lalaki ag babaye nga taga-New Washington sa 150 panibag-ong nagpositibo sa coronavirus disease sa probinsya it Aklan.
Base sa datos it Aklan Provincial Epidemiology and Surveillance Unit (PESU), do 150 new cases hay ginaeakipan it 48 kaso halin sa banwa it Kalibo, 37 sa Buruanga, 24 sa Nabas, 16 sa New Washington, napueo sa Makato, pito sa Malay, tag-daywang kaso sa Altavas, Balete ag Ibajay ag tag-sambilog man sa Malinao ag Numancia dahilan para sumampa sa 5,543 do kabilugan nga kaso sa probinsya kung siin 911 pa kara do aktibong kaso.
Nadugangan man it 87 do mga nagmayad ngani nga nagaabot eon makarun do total recoveries sa 4,509 samtang 123 man do COVID-19 related deaths matapos madugangan it daywa. // SHERRY ANNE REUNIR-VIDAL