Daywang Korean missionaries ag 12 menor de edad, ginpamulta bangud sa mass gathering

KALIBO, AKLAN—Ginpamulta do daywang Korean missionaries kaibahan do sangka eaeaking sa legal nga edad ag do 12 nga mga menor de edad matapos madakpan nga nagapatigayon it mass gathering sa bahin it Brgy. Bakhaw Sur, Kalibo, Aklan.

Do daywang Korean national hay nagaedad it 66 anyos ag 51 anyos kaibahan si Julius Saradolla nga una sa legal nga edad.

Base sa report, naabutan it mga otoridad sa Moriah Mission Church do mga raya nga owa nagapatupad it physical distancing sa sueod it simbahan samtang nagareklamo man do ibang residente sa lugar nga masyadong masangag do mga raya.

Insigida man nga ginadaea sa police station do tanan ng mga nagtambong sa gatherings kun siin ginpamulta at pagkatapos hay ginpasugtan man nga makauli.

Suno sa Kalibo PNP, manami kunta ro intensyon it mga misyonaryo nga nagapatigayon it bible study ag nagapakaon sa mga unga, apang may gina-eabag sanda nga laye .

Kung madumduman nga sandig sa ginpaguwa nga Executive Order No. 005 series of 2021 ni Aklan Governor Florencio Miraflores, ginabawaean do mga edad 15 anyos panaba ag hugot nga ginabawaean do mass gathering bangud sa padayon nga pagsaka it kaso it COVID-19 sa probinsya. // SHERRY ANNE REUNIR-VIDAL

Leave a Reply

Your email address will not be published. Required fields are marked *