Deadline ng SIM card registration dapat palawigin ng 1 o 2 buwan – Solon

Dapat umanong palawigin ng isa o dalawang buwan pa ang deadline ng SIM card registration, ayon kay Camarines 2nd District Rep. LRay Villafuerte .

Dalawang linggo bago ang deadline sa April 26, sinabi ni Villafuerte na wala pang 40% ng tinatayang 168 milyong SIM number ang nairehistro na.

Ibig sabihin aniya nito, na sa loob ng limang araw o mula April 7 hanggang 11, mayroon lamang humigit-kumulang apat na milyon o 800,000 kada araw ang nairerehistrong SIM. Kung mananatili ang naturang numero hanggang April 26, 12 milyon pang SIM card ang mairerehistro o halos 85 milyong cards lang.

Nauna nang nanawagan ang Globe Telecom at Smart Communications na palawigin ang deadline upang mabigyan ng dagdag na panahon ang mga konsumer.

Kabilang umano sa mga dahilan kung bakit marami ang hindi pa nakakapagparehistro ay dahil sa kawalan ng valid ID at problema sa internet connection.

Leave a Reply

Your email address will not be published. Required fields are marked *