Ginkumpirma it Department of Health (DOH) 6 nga sa morbidity Week 22 o sa tunga it Mayo 29 ag Hunyo 4, umabot eun sa 23 ro kabiegoan nga pagkamatay bangud sa sakit nga dengue sa rehiyon.
Ro tatlo ka bag-o nga pagkamatay hay narekord sa Aklan, Antique, ah Negros Occidental.
Sa makara, mahugot nga ginabantayan it DOH-6 ro 136 ka mga kabarangayan nga may narekord nga clustering it mga kaso it nasambitan nga sakit.
Maliban pa dikara, may dugang nga 354 kaso ro bag-ong narekord sa rehiyon.
Raya hay naghalin sa Guimaras nga may daywa, Aklan ag Iloilo City nga may siyam, Capiz nga may 22, Bacolod City nga may 23, Iloilo province nga may 53, Antique nga may 93, ag Negros Occidental nga may 143.
Bangud dikara, may kabieogan nga 2,520 ka mga kaso eun it dengue ro rehiyon 6./JIL B. LACSON