LEGAZPI CITY – Pigsyerto kan Department of Education (DEPED) Bicol na bastante an suplay nin pagkaon para sa mga delegado kan rehiyon sa paparani nang palarong pambansa 2024 kun sain nakatalaan ining isagibo poon Hulyo 9 sundo 16, 2024 sa Cebu City.
Pig-asigurar man ni Regional Spokesperson Mayflor Jumamil, na dae magugutom asin tama an bilang kan mga pagkaon kan mga atleta, coaches, asin kan iba pang delegado, magpuon sa pagbyahe hasta sa mag-abot asin magtenir an mga ini sa saindang billeting quarters sa nasambit na palaro.
Tinawan doon man kan opisyal na bago pa man magpauon an Palarong Pambansa agbilog na subuot sinda nin kitchen committee kun sain pinangenotan ini kanProbinsya kan Masbate.