Delta variant, kumakalat na rin sa South Africa

Patuloy ang pagkalat ng mas nakahahawang Delta variant sa South Africa kung saan nagdulot na ito ng pagtaas ng COVID-19 cases doon.

Ayon sa gobyerno ng South Africa, muling nagkaroon ng covid-19 surge sa kanilang bansa ngayong buwan kung saan nakapagtala noong Sabado ng 18,762 new covid-19 cases, pinakamataas na kasong naitala sa isang araw mula pa noong buwan ng Enero.

Dahil dito, pumalo na sa 1,895,905 ang kabuuang kaso ng sakit sa South Africa habang 59,621 naman ang mga nasawi.

Ayon kay Tulio de Oliveira ng Network for Genomic Surveillance sa South Africa, nasa “exponential phase ng pandemya ang bansa kung saan kada linggo ay patuloy sa pagtaas ang mga kaso doon.

Sinabi naman ni Koleka Mlisana, head ng government ministerial advisory committee on Covid-19 sa South Africa, upang mapigilan ang pagkalat ng sakit, kakailanganin muli nilang magpatupad ng mas mahigpit na covid-19 restrictions.

Mababatid na naaalarma ang buong mundo sa mabilis na pagkalat ng Delta variant na unang naitala sa India.

Una na ring sinabi ng World Health Organization na ang nasabing variant ang pinakanakahahawang COVID variant na kumalat na sa 85 mga bansa

Leave a Reply

Your email address will not be published. Required fields are marked *