‘Delta Variant, pagpatumbaya rason sang pagsaka sang COVID-19 cases sa Bacolod – VM Familiaran.’

Madamo sang mga factors ang inbolbado kun nga-a nagasaka ang kaso sang Covid -19 infections diri sa syudad sang Bacolod sandig kay Vice Mayor El Cid Familiaran.

Suno sa bise-alkalde isa sa mga factor sang pagsaka liwat sang kaso, amo nakasulod na sa syudad ang Delta variant nga makabig tuman makalalaton kag labi kag labaw sa tanan ang sala nga pagpati sang mga pumuluyo nga indi na malatnan ang isa ka individual kun ini ang nabakunahan na batok sa corona virus.

Isa man sa gintumod ni Familiaran nga factor amo, nga madamo sa gihapon sang mga pumuluyo ang wala nagapati sa Covid 19 kag ang pagpati sang pipila nga ang ila ginabatyag nga malain nga pamatyag ang ordinaryo lamang nga trangkaso. 

Dugang pa ni Familiaran, natalupangdan sa daily case analysis sang Emergency Operation Center sang Bacolod, kalabanan sang mga nagaka-hospital kag mga nagakapatay ang lunsay wala mabakunahan.

Leave a Reply

Your email address will not be published. Required fields are marked *