Sa unang an-um nga buean it 2022, nakarekord ro Region 6 it 3,029 kabieogan nga kaso it dengue disease.
Base pa sa datos it Department of Health (DOH), ro numero hay 241% nga mas mataas kumpara sa 889 nga mga kaso nga narekord sa pareho nga tiempo ku nagtaliwan nga dag-on.
Para man sa Morbidity Week #23, may dugang nga 426 nga mga kaso ro narekord it taeatapan sa rehiyon.
Ro Negros Occidental ro may pinakamataas nga numero it kaso nga nagaabot sa 1,161; ginsundan it Antique nga may 782; probinsya it Iloilo nga may 469; Bacolod City nga may 206; Capiz nga may 172; Aklan nga may 113 kaso; Iloilo City nga may 94; ag Guimaras nga may 32.
Nagapadayon man nga sa 23 ro death toll sa dengue sa bieog nga rehiyon./JIL B. LACSON