Department of Agriculture, magtatakda ng suggested retail price sa asukal

Magtatakda na ng suggested retail price (SRP) ang Department of Agriculture (DA) sa asukal.

Sa isang panayam, sinabi ni DA Undersecretary Kristine Evangelista na inaasahang sa susunod na linggo ay ilalabas na ng ahensya ang itatakdang SRP sa asukal.

Ang pagtatakdang ito ng SRP ay kasunod na rin ng patuloy na pagtaas ng presyo ng asukal sa mga pamilihan, partikular sa Metro Manila na umabot na sa 100 piso ang kada kilo.

Sinabi ni Evangelista na magpupulong sila kasama ang stakeholder’s para pag-usapan ang SRP at iba pang isyu sa naturang sektor.

Bagama’t layon ng DA na maibalik sa dati ang presyo ng asukal na nasa limampung piso kada kilo lamang, binigyang diin ni Evangelista na maraming dapat ikonsidera sa pagtatakda ng presyo.

Sa ngayon, maaari raw ipako sa siyamnapung piso kada kilo ang presyo ng asukal.
#

Leave a Reply

Your email address will not be published. Required fields are marked *