PRAYORIDAD department of education (DepEd) ang pag-angkon og titulo sa luna nga gitukoran sa pipila ka pampublikong tulunghaan sa gensan.
Sa paglingkod sa pwesto isip bag-ong Schools Division Superintendent (SDS) sa DepEd-GenSan Isagani Dela Cruz. Buot niyang i-rebyu ang DepEd order kalabut sa pagresolba sa school site titling issues.
Ubay-ubay sa pampublikong elementarya ug sekondarya nga eskwelahan sa gensan ang wala’y paigong titulo sa luna. Hinungdan nga lisod ang pagpalambo sa eskwelahan sama sa pagbutang og dugang classom tungod sa isyu sa titulo sa luna.
Kini ang rason sa pagsaka sa ihap sa kakulangon og classroom sa siyudad. Butyag ni ronald nuneza, labaw sa City Housing and Land Management Office (CHLMO), sagad sa problema ang mao ang status sa gi-donar nga luna alang sa tulunghaan.
Asoy usab ni Nenita Miroy, principal sa Jose P. Laurel Elementary School sa barangay Dadiangas North, giduol na nila sa buhatan sa mayor ang pahan-ay sa titulo sa nasangpit nga tulunghaan. 2011, gimugna sa DepEd ang National Task Force on School Site Titling (NTFSST) aron motubag sa isyu kalabut sa titulo sa yuta sa mga tulunghaan sa parte sa mindanao.
Dugang ni dela cruz makig-alayon sila sa lgu kalabut sa isyu ug iandam nila ang deeds of donation, deeds of sale, deeds of exchange, usufruct agreements ug uban pang kontrata sa mga government agencies nga lambigit ang school site titling ug transfer of ownership. I Richel Gubalani