WALA pay nadawat nga memorandum o kamanduan ang DepEd GenSan kalabot sa school opening alang ning tuiga.
Kini ang gibutyag ni Romelito Flores, GenSan Schools Division Superintendent luyo sa girekomenda sa usa ka opisyal sa DepEd national nga Agosto 23,2021 ang opening sa klase apan mag-agad pa sila sa mando sa ilang labaw ug sa desisyon sa Pangulo.
Sa Republic Act number 11480 hangtud sa katapusan sa Agosto matag tuig ang abli sa klase, apan gibutyag ni Flores nga hangtud karon, nag-agad lang sila sa mando nga madawat.
Luyo nga kung sa Agosto 23, 2021 ang opening sa school year 2021-2022, maghimo matud pa sila og pagpangandam alang niini bisan pa nga anaa pa lang sila karon sa 4th quarter sa grading period.