Desisyon sa Pangulo sa pag-abli sa klase ginahulat pa

Mag-agad kang  Pangulong Rodrigo Duterte kung kanus-a ang pag-abli sa klase alang sa school year 2021-2022.

Kini human gibutyag ni Department of Education Region Spokesperson Jenielito Atillo nga hangtud karon naghulat pa ang kagawaran sa desisyon sa presidente.

Apan gitataw niini nga dunay mga ‘shortlist of dates’ nga gisumite ang DepEd ngadto sa Malacañang ug usa niini ang August 23, 2021 nga gibase sa balaud.

Kung mauyunan sa Pangulo ang Agosto nga opening sa klase, mapaubsan matud pa gikan sa walo ngadto sa unom ka semana ang bakasyon sa mga estudyante ug magtutudlo.

Nasayrang base sa balaud kinahanglan dili molagpas sa katapusang adlaw sa bulan sa Agosto ang itakda nga pagsugod sa klase gawas na lamang kung dunay lahi nga desisyon ang presidente.

Leave a Reply

Your email address will not be published. Required fields are marked *