Igapatukod eon ro detachment it Philippine Coast Guard sa Brgy. Pook iya sa banwa it Kalibo.
Suno kay Kalibo Mayor Juris Bautista Sucro, tinutuyo kara nga madugangan ro seguridad sa Kalibo ngani igapatukod raya sa may Pook Jetty Port bilang pagpahaum man sa mga plano nga pagaubrahon para sa nasambit nga lugar.
Ro kaparte it nasambit nga proyekto hay personal nga donasyon it alkalde sa Philippine Coast Guard nga nagabalor it P100,000 para mapadasig ro pagpaubra sa nasambit nga pasilidad. // ANN DESLENE SALAZAR