Detainee nga namatay sa pagkulata, nakaangkon og sobra 24 ka injury sa lawas segun sa NBI medicol legal

GIKUMPIRMA ni Dr. Ricardo Rodaje, medico legal sa NBI-Sarangani District Office nga nakaangkon og kapin sa 24 ka mga injury sa lawas ang detainee nga si Philip Nocete, kinsa gitabangan sa pagkulata patay sa mga piniriso sa selda sa kapulisan.

Segun ni Rodaje sa interview kaniya sa Di Pwede Yan sa Brigada News TV, gipahigayon nila ang exhumation necropsy, asa gikalot ang patayng lawas ni Nocete ug tulo ka oras kining gisusi niadtong Mayo 25.

Matud niini nakasinati og agonal death o nag-antus sa kasakit hangtud namatay ang biktima sa bun-og nga naangkon sa iyang lawas nga miresulta sa pagkabun-og sa iyang baga ug atay gamit ang bug-at nga butang sama sa baseball bat o pulohan sa armas.

Nasayran nga midangop sa NBI ang pamilya sa biktima alang sa autopsy report aron maoy gamiton sa pagduso og kaso batok sa mga responsable.

Gikan sa ulo hangtud sa tiil ang pag-eksamin sa NBI asa apil ang kinatawo sa biktima ang adunay nakita nga gasgas nga nagpasabot daw nga kini gihubuan og gibun-og sa iyang male organ.

Sa ulo sa biktima may hematoma nga agi usab sa posibleng pagparok sa bungbong.