Aminado ang Department of Information and Communications Technology (DICT) na nagkaroon nga ng kakulangan matapos ma-hack ang system ng ahensya.
Ito ay kasunod ng kanilang kumpirmasyon na ang website nilang Disaster Risk Reduction Management Division (DRRMD) ay apektado ng data breach.
Paliwanag ni DICT Usec. Jeffrey Dy, na-identify naman na nila ang umano’y ‘lapses’ gamit ang kanilang disaster response portal, bago pa man mangyari ang pangha-hack.
Pero aniya, natagalan nga lang bago ma-update ang kanilang system.
Nakapasok na raw ang hackers bago pa man nila ma-address ang vulnerability.
Dahil sa insidente, binigyang-diin ni Dy na nakikita na nila ang pangangailangan na bumuo ng local cybersecurity force na tututok sa DICT.