Inaasahang mailulunsad na sa susunod na buwan ang digital vaccination ID na isinusulong ng pamahalaan para sa mga bakunadong Pinoy.
Ito ang kinumpirma ni Cabinet Secretary Karlo Nogralse sa naging panayam ng 92.9 Brigada News FM Cauayan.
Aniya, sa pakikipagtulungan ng Department of Information and Communications Technology (DICT) ay sisikapin ng gobyerno na makumpleto na ang digital card maging ang QR code system.
Sa pamamagitan nito aniya ay magiging centralized at consolidated na ang vaccine ID.
Gayunman, inihayag din ng Kalihim na maaring gamitin pa rin ng mga vaccinated na ang kanilang vaccination card na ibinigay ng LGU habang wala pa ang naturang ID.
Ayon pa kay Sec. Nograles, dahil centralized ang digital vaccination ID ay magagamit din ito bilang patunay ng bakunado na ang may hawak nito.