DILG, iniimbistigahan na ang ‘financial assistance’ na ipinapamigay sa panahon ng eleksyon

Iginiit ng Department of the Interior and Local Government (DILG) na iniimbistigahan na ang umano’y mga financial assistance na ipinapamigay sa mga mamamayan sa araw ng kampanya ng mga kandidato.

Ayon kay DILG Secretary Eduardo Año, mayroon lamang mga iilang ayuda mula sa gobyerno na maaaring makuha sa panahon ng eleksyon katulad na lamang ng 4Ps na ibinibigay sa mga mahihirap na pamilya.

Sinabi din ni Año na kinakailangan ng clearance mula sa Commission on Elections (Comelec) bago ibigay ang naturang tulong katulad ng fuel subsidy para sa mga tsuper at ilang manggagawa sa bansa.

Samantala, panawagan ng kalihim na kumpletuhin ang mga detalye na ini-rereport sa kanila para mas maging matibay ang ibidensya kaugnay sa panukalang Task Force Konta-bigay. (ARGIE ERGINA)

Leave a Reply

Your email address will not be published. Required fields are marked *