DILG may naitalang 152 RCSP beneficiary barangays sa Masbate

Pinangunahan ng DILG-Masbate ang pagsagawa ng Provl Security Briefing sa pagpapatupad ng Retooled Community Support Program (RCSP) ngayong 2023.

Ang aktibidad ay naglalayong tiyakin ang kaligtasan at seguridad ng pagpapatupad ng RCSP sa mga target na barangay sa buong yugto ng immersion.

Sa aktibidad, dito ipinakita ng mga miyembro ng Peace, Law Enforcement and Development Support (PLEDS) Team ang kasalukuyang affectation at peace and order status ng 152 RCSP beneficiary barangays sa lalawigan.

Ayon kay DILG-Masbate Provl Director Ben Paul Naz, nasa ika-4 na taon na ang pagpapatupad nito sa lalawigan, kung kaya’t pinasalamatan nito ang sector ng seguridad sa kanilang matibay na suporta sa buong taon.

Sa nasabing briefing, iniharap naman ni  Local Government Monitoring and Evaluation Section (LGMES) chief at RCSP Provl Focal Person Local Govt Operations Officer Melrose Rebaya ang mga target ng RCSP 2023, overall strategy at accomplishment mula sa 2022 RCSP Implementation.

Isang Threat Situation Update naman ang ibinigay ng Phil Army, na naging dahilan ng pagtalakay sa mga isyu at alalahanin tungkol sa pagpapatupad ng Threat Situation ngayong taon.

Nabatid na ang DILG Masbate ang mayroong pinakamalaking bilang ng mga target na barangay sa buong rehiyon at patuloy na nagsisikap ang ahensya upang matiyak ang matagumpay na pagpapatupad at pagpapatakbo ng RCSP ngayong taon.

Leave a Reply

Your email address will not be published. Required fields are marked *