DILG sa mga LGUs, publiko: Beware vs fake Pfizer COVID-19 vaccines

Nagbabala ang Department of Interior and Local Government sa mga local government units at ang publiko laban ssa pagbili ngpekeng Pfizer COVID-19 vaccines na sinasabing nakalusot na sa global market.

Ang pahayag ni DILG Secretary Eduardo Año aymatapos maalarma ang World Health Organization sa counterfeit COVID-19 vaccine na may pangalang “BNT162b2,” na umano’y manufactured ng Pfizer-BioNTech.

Dahil dito, nanawagan si Año sa mga opisyal ng gobyerno na tiyakin na sila ay bibili lang ng medical products mula sa mga otorisadong suppliers.

Bagama’t wala pang impormasyon kaugnay sa presensya ng pekeng bakuna sa bansa, dapat ipatupad na ng mga LGUs ang mahigpit na pag-iingat, dahil ang naturang mga bakuna posibleng delikado sa kalusugan ng mga mababakunahan.

Sa inilabas na global alert noong nakaraang buwan, sinabi ng WHO na nagsasagawa pa sila ng laboratory analysis sa mga contents ng falsified product, na unang nadiskubre sa Mexico, na may lot number “783201” at nakasulat ang August 24 na expiry date. // MHEL PACIA

Leave a Reply

Your email address will not be published. Required fields are marked *