DILG Palawan, wala pang hawak na kopya ng suspension order ni Narra Mayor Gerandy Danao

Wala pa umanong natatanggap na kopya ng umano’y suspension order ang Provincial Department of Interior & Local Government (DILG) kay Narra Mayor Gerandy B. Danao.

Ayon kay Provincial Director Virgilio Tagle, sa oras na matanggap niya mula sa regional office ang kausutan na galing sa Office of the Ombudsman ay agad niya itong ipapatupad.

Si Diretor Tagle umano ang personal na mag-aabot nito o magdadala sa opisina ng alkalde sa munisipyo sa oras na matanggap ang kopya.

Mababatid na kinumpirma ng kampo ng alkalde na si Mayor Danao ay sinususpende ng OMB  dahil sa mga kasong isinampa noon ng City Nickel Mines & Development Corporation.

Ang alkalde ay sinampahan ng reklamong Grave Misconduct, Gross Neglect of Duty, paglabag sa Anti-Red Tape Act at paglabag sa Code of Ethics and Ethical Standards.

Gayunman, inihayag ng tagapagsalita ni Mayor Danao na si Jojo Gastanes na nakahanda ang punong bayan na tanggapin ito bago ito bababa sa pwesto.

Leave a Reply

Your email address will not be published. Required fields are marked *