Inatasan ng Department of the Interior and Local Government (DILG) ang mga pulis na protektahan ang mga miyembro ng media, na maaring maharap sa banta at intimidation sa 2022 election period.
Dahil dito, ipinag-utos ng DILG sa Philippine National Police (PNP) na magtalaga ng Media Security Focal Persons sa bawat probinsya at lungsod na reresponde sa security concerns ng mga media workers.
Ayon sa ahensya, hiniling ni Presidential Task Force of Media Security (PTFoMS) Executive Director Joel Sy Egco ang naturang tulong sa harap ng posibleng karahasan laban sa mga media workers.
Giit ni Interior Sec. Eduardo Año, ang 4th Estate ay isang integral part ng demokrasya na partner ng gobyerno para sa mas tahimik, tapat at maayos na halalan. //MHEL PACIA