HUGOT nga gipaklaro sa Department of Interior and Local Government (DILG)-XI nga dili sirad-an ang mga utlanan sa Davao Region sa gikatakdang pagpatuman sa semi-closed border.
Matud kang DILG-XI Regional Director Alex Roldan, bugtong ginabawal sa maong implementasyon ang mga non-essential travel pasulod sa rehiyon onse ug daghan pa gihapon ang exemption.
Gani posibleng karong adlawa ipagawas na ang guidelines sa semi-closed norder implementation aron mahupay ang kabalaka sa publiko.
Gitataw sa opisyal nga walay problema kung ang tinguha sa pagsulod may kalabutan sa negosyo, trabaho, ug medical concerns o mga Authorized persons outside residence kon APOR.
Samtang sa mga Non-APORs omga land travelers nga di essential ang byahe sama sa bakasyon, ug ubang leisure activities ang kinahanglan nga magpresenta na og negative Reverse Transcription Polymerase Chain Reaction (RT-PCR) test results nga dili molampas sa 72 oras gikan sa pagkuha.
