IPADAYON ang pagpangsita sa mga wala nagsuot og face shield sa GenSan.
Kini ang gimandu ni PCOL. Gilberto Tuzon, director sa General Santos City Police Office (GSCPO).
Dunga kini sa gibutyag ni Pangulong Rodrigo Duterte atol sa pulong nga dili na kinahanglang mosuot og face shield sa public places gawas sa ospital.
Giangkon ni Presidential spokesperson Harry Roque nga gisulti kini sa pangulo atol sa pulong kauban ang pipila ka senator.
Apan kini ang subject sa apela sa Inter- Agency Task Force on Covid-19 (IATF).
Samtang gawas sa pagsita sa wala nag-face mask giawhag ni Tuzon ang mga sakop nga hugot ipatuman ang minimum public health standard batok Covid-19. Dungan sa padayong pagsaka sa kaso sa virus sa dakbayan asa halos gikulang na ang bed occupancy alang sa positibong kaso sa sakit.