GIPABORAN sa pipila apan adunay dili sigurado ang pahayag nga dili na mag face shield kon mogawas sa balay ang katawhan.
Sa reaksyon ni Maricel gikan sa Barangay Sinawal sumala niini nga pabor siya sa mao nga pahayag sa mga opisyal sa nasud kay kon sigi og face shield lisod moginhawa mas maayo kon face mask nalang.
Gidugang ni Maricel nga gikaluy-an usab ang ilang pamilya nga wala pay kaso sa COVID-19 kay wala usab daw silay igong salapi aron ipatambal.
Sumala usab sa tRicycle driver nga si Jun pabor siya nga wagtangon nalang ang face shield kay lisod kon magmaneho, sagabal sa panan-aw unya silaw kon maigo sa suga sa sakyanan ilabi na sa gabei mao nga dako kayo kining pabor nga wagtangon na ang face shield.
Sumala usab sa personal nga opinion ni Assistant City Treasurer Zenaida Eturma pabor siya nga facemask lang og dili na ang face shield kay aduna siyay sakit sa mata nga apektado kon mag sul-ob og face shield. Apan dili pa sigurado ang usa ka senior citizen gikan sa Barangay Katangawan sumala niini nga naa silay tindahan ug opisyal ang iyang asawa sa tubigan mao nga ginapahinumdom gayod niini ang kompleto nga pagsunod sa health protocol mao nga dili siya sigurado safety kon wala nay face shield.