Nagpatigayon sang orientation ang Department of Labor and Employment (DOLE) para sa mga active organizations nga mangin benipisyaryo sang DOLE Integrated Livelihood Program (DILP).
Ang DILP nagahatag sang bulig sa mga indibidwal ukon grupo nga nagsugod humalin sa pag umpisa sang livelihood project nga na-apektuhan sang natural kag manmade disasters.
Sarang man ini magamit sa mga existing livelihood assistance para sa community kag group enterprises.
Nahibaluan, lakip sa mga nakabaton ang Solo Parents Organization, Esperanza Youth Organization, Indigenous Peoples organizations, kag AMUFA sang kapital para sa negosyo. Nagpahanumdom naman ang mga opisyales sang banwa nga ang mabaton nila nga assistance gamiton kun tani nila sa insakto nga livelihood project nga makabulig sa ila pangabuhianan.