Nanguna si Bangko Sentral ng Pilipinas Governor Benjamin E. Diokno sa listahan ng ‘highest paid government executives’ noong 2020.
Sa inilabas na 2020 Report of Salaries and Allowances (ROSA) ng Commission on Audit, sinasabing nakakuha si Diokno ng P19.7-million na sweldo at allowances noong nakaraang taon.
Pumangalawa naman si Solicitor General Jose Calida na may P15.6-million na sahod at allowances.
Sumunod naman si Eulogio V. Catabran III ng UCPB na may P15.4-M, si GSIS president and general manager Rolando Macasaet ay may P15.2-M habang si Supreme Court Senior Associate Justice Estela Perlas -Bernabe ay nakakuha ng P15.2-Million.
Sa sulat na ipinadala ni COA Chairman Michael Aguinaldo kay Pangulong Rodrigo Duterte, sinabi nitong ang ROSA ay sumasalamin sa kabuo-ang sweldo at mga allowances na natanggap ng mga principal officers at members ng board sa mga government-owned or controlled corporations; Cabinet secretaries, undersecretaries, asst. secretaries at iba pang officials na may kaparehong ranggo sa national government.
Narito ang kumpletong listahan ng Top 20 ‘highest paid government executives’ sa Pilipinas ayon sa COA:
- Benjamin E. Diokno – BSP – P19,791,546
- Jose C. Calida – OSG 15,657,848.49
- Eulogio V. Catabran III UCPB 15,461,222.77
- Rolando L. Macasaet GSIS 15,256,735.66
- Estela Perlas-Bernabe SC 15,203,60.04
- Ma. Almasara T. Amador BSP 15,154,987.98
- Diosdado M. Peralta SC 14,525,266.66
- Chuch G. Fonacier BSP 14,349,317.33
- Higinio O. Macadaeg Jr. UCPB 13,223,075.47
- Dahlia D. Luna BSP 12,637,475.19
- Ma. Ramona T. Santiago BSP 12,537,400.56
- Francisco G. Dakila Jr. BSP 11,642,612.36
- Emmanuel G. Herbosa DBP 11,463,453.73
- Emilio B. Aquino SEC 11,210,369.56
- Marvic Mario F. Leonen SC 10,676,796.00
- Alfredo S. Caguioa SC 10,489,920.00
- Alexander G. Gesmundo SC 10,464,158.00
- Ramon Paul L. Hernando SC 10,156,647.22
- Peter B. Favila BSP 10,117,225.56
- Felipe M. Medalla BSP 10,103,000.44 – (LEY BAGUIO)