DUNGAN sa Valentine’s day, Pebrero 14, gisaulog sa Dr. Jorge P. Royeca City Hospital (DJPRCH) ang ilang 49th founding anniversary asa ang selebrasyon gipahigayon sa mismong compound.
Gitambungan kini nilang Mayor Lorelie Pacquiao ug Chief of Staff Atty. Dee Hajji Herrera ug former mayor sa Aliaga, Nueva Ecija David Angelo Vargas.
Sa mensahe ni Chief of Hospital Dr. Ryan Oscar Aplicador, gipasalamatan niini ang LGU GenSan ug sa inisyatibo sa mayor sa pagpalambo sa hospital facilities alang sa pagmuntar og CT scan ug sa padayung konstruksyon sa Special Area Care Complex.
Lakip sa mga aktibidad sa 49th anniversary sa city public hospital mao ang Fun Run, Mangrove Planting, ugBlood Letting Activity.
Anaa usab sa selebrasyon si Nol Balila, ang labaw sa PhilHealth Gensan nga gipaniguro nga ang PhilHealth ang padayung kaabag sa DJPRCH alang sa paghatod sa maayong serbisyo sa panglawas sa publiko.