Doctor nagpaklaro sa kalangay sa test sa ubang na kwarantina sa hotel nga mga travelers

NAGHATAG pagpaklaro ang Assistant City Health Officer sa GenSan kalabot sa polisiya kalabot sa mga travelers o Returning Overseas Filipino Workers ug uban pa nga gikan sa gawas sa nasud.

Sumala kay Dr. Lalaine Calonzo nga subay sa Executive Order Number 21 hangtud EO 25 nagasulti nga tanang travelers mapailawom sa pito ka adlaw nga kwarantina sa isolation facility, wala man daw nagmando ang Department of Health apan may kaugalingon nga polisiya ang LGUs.

Gidugang ni Calonzo nga dapat mosunod ang mga travelers sa polisiya bisan kon nakwarantina o na-test na sila sa Manila, ang mga OFWs sa mga hotel ginabutang ug ang proseso sa ikapito ka adlaw adunay rapid antigen test sa Dr. Jorge P. Royeca Hospital.

Aduna daw mga kalangay nga nahitabo gumikan sa mga rason, una milabay nga mga semana nagkulang ang testing kits ug ang giprayuridad sa test katong  mga pasyente , ang ikaduhang rason ang lima ka medtech sa Dr. Jorge P. Royeca Hospital nagpositibo sa COVID-19 ug nakwarantina tanan.

Ang laing rason aduna usab kalangay sa pag-test sa gipadala nga specimen gikan sa Gensan padulong sa Cotabato Regional Center apan nadaut usab ang makina.

Tungod niini nalangay usab ang resulta sa tst sa mga travelers nga nakakwarantina ug sa uban pa apan sa impormasyon nga nadawat sa City Health Office nanumbalik na ang serbisyo sa hospital. Ang hangyo ni Calonzo sa mga travelers  nga musunod lang sa nalatid nga polisiya aron dili mosamot ang problema sa pandemya.

Leave a Reply

Your email address will not be published. Required fields are marked *