Dog handler, nakaplagang patay sa dakbayan sa Tangub

NAKITANG  naligo sa iyang kaugalingong dugo,  ang usa ka dog handler,  sa may Purok 6 Barangay Manga sakop sa dakbayan sa Tangub, nga nahitabo sa may alas 7:30 ang takna sa gabii,  Agusto 7 niining tuiga.

Naila ang biktima nga usa ka Juniemar Arnoco Petiluna ulitawo,usa ka dog handler ug taga barangay Sto Nino sa naasoy nga dakbayan.

Sa inbestigasyon sa kapulisan, nga nakadungog og magkasunod nga buto sa pusil ang mga nanimuyo,  duol  sa maong lugar og adunay nagpahaguros og dagan sa motorsiklo

Sa dihang girespondehan kini sa kapulisan nakita nga wala nay kinabuhi ang biktima.

Nakit-an sa lugar nahitaboan,  ang duha ka basyo sa calibre 45 nga pistol,  ug usa ka deformed  nga bala sa maong pusil,  ingon man usa ka skygo 125 motorcycle color pula,  nga may temporary na plaka nga 100106 nga nakarehistro sa pangalan nga Junny Pangasian Roasol,  nga taga purok 1 Barangay Guimad, Ozamis City, celphone sa biktima, usa ka kitchen knife nga nakataruk sa liog sa biktima, ug sling bag nga itom.

Padayon pa ang gihimong imbestigasyon sa Tangub PNP,  sa unsa ang motibo sa pagpatay ug si kinsa ang responsable sa maong krimen.-BNFM Oroquieta