DOH-12: Soccsksargen pabiling low-risk ang status sa Covid-19

PABILING ilawom sa low-risk classification sa Covid-19 ang Soccsksargen region, butyag ni Dr. Arestides Concepcion Tan, director sa Department of Health (DOH) 12.

Sa karon, one digit lang sa kaso ang natala sa tibuok rehiyon matag adlaw pipila ka bulan ang milabay, dugang ni Tan. Luyo niini, gumikan duna gihapon natala nga kaso sa matag adlaw kinahanglang batasanon sa publiko ang pagsunod sa minimum health protocols.

Sama sa pagsuot og face mask sa mga lugar nga ginadagsa og tawo ug batasanon ang physical distancing. Samtang, nagpabilin usab nga low-risk ang klasipikasyon sa healthcare utilization rate. Dugang niini, miubos usab ang ihap sa severe o critical admissions sulod sa pipila ka bulan sa rehiyon.

Sa ulahing datus sa DOH-12 tracker, naa sa kinatibuk-ang 78,878 ang total confirmed cases; 124 ang active case;2,860 ang namatay samtang 75,852 ang nakarekober. I Richel Gubalani