Kinumpirma ng Department of Health (DOH) na nasa 97% na ng mga health workers sa Metro Manila, ang nabakunahan na laban sa severe respiratory illness.
Batay sa nationwide count, 85% ng health care workers sa bansa ang nakatanggap na ng kanilang COVID-19 vaccine dose.
Ayon kay Health Undersecretary Myrna Cabotaje, ang natitirang 15% health workers ay mula sa mga probinsya na nagdadalawang isip kung magpapabakuna o hindi.
Giit ni Cabotaje, kailangang hikayatin ang mga barangay health workers, mga miyembro ng barangay emergency health response teams, na samantalahin ang pagkakataon na maprotektahan ang sarili laban sa respiratory illness. // MHEL PACIA