DOH Bicol-Center for Health Development, hinikayat ang mga magulang na pabakunahan ang kanilang mga anak laban sa tigdas, rubella at polio

Hinikayat ng Department of Health Bicol Center for Health Development ang mga magulang na pabakunahan ang kanilang mga anak sa pagsisimula ng Chikiting Ligtas 2023’ immunization drive vs measles, rubella, and polio ngayong araw ng Lunes Mayo 1.

Hakbang aniya upang lahat ng mga edad 9 hanggang 59 buwang gulang ay mabigyan ng bakuna kontra tigdas at rubella at bakuna kontra polio naman para mga 0 hanggang 59 months old.

Matatandaan na dahil sa takot sa bakuna kontra Covid-19 ay maraming mga magulang ang hindi pinabukanahan ang kanilang mga anak sa mga nakaraang taon kung kaya mayroon pa ring mga batang lagpas na nasabing edad ang wala pa ring bakuna laban sa nasabing mga karamdaman.

Pagtitiyak ng DOH-CHD walang dapat na ikatakot ang mga magulang dahil ang nasabing mga bakuna ay ‘tried and tested’ na at tiyak na ligtas ang mga ito.

Ang vaccination drive ay magtatagal hanggang sa Mayo 31.

Leave a Reply

Your email address will not be published. Required fields are marked *