DOH-Bicol, tinawan duon an importansya kan tamang pangangataman  sa mga pasyenteng may TB; publiko, pig ingganyar  na bantayan an sadiri asin magpa eksamin

BICOL – LIWAT pinagiromdom kan  Department of Health o DOH sa mga Bicolano an importansya kan makusog  na hawak asin  mabaskog  na pamumuhay tanganing makaibitar sa impeksyon asin  kamatean siring kan tuberculosis o TB.

Segun ki Lilian Rose Contessa Encisa, medical technologist asin   Senior Health Program Officer kan Bicol, kun an sarong  indibidwal an  nakakamati nin  sintomas siring kan nagkapirang  semanang  ubo na may kasabay na kalintura  asin  check o back pain ,dapat tulos  na magduman sa pinakaharaning   health center o sa TB-Directly Observed Therapy o TB-DOTs facility para sa magkakanigong  eksaminasyon.

Tinawan duon kaini  na libre an testing  asin pagbulong para sa helang na TB sa mga local health centers mantang igwa man sindang mga partner private hospital na pwedeng  mag-refer sa mga pasyente sa mga Rapid TB Diagnosic Laboratories (RTDLs) para sa libreng serbisyo.

Sa ngunyan soboot igwang kwarenta y sieteng functional RTDLs na madudukayan sa man iba ibang parte kan  rehiyon apwera pa digdi  an walong  Programmatic Management of Drug Resistant TB treatment centers na para man sa mga drug-resistant tuberculosis patients.

An tuberculosis o tb iyo an sarong nakakaulakit na helang na dara kan Mycobacterium tuberculosis o tuberde bacilli na nakakaapektar sa baga o iba pang parte kan hawak nin tawo.

Base sa 2020 National TB Report, an Pilipinas an igwang  pinakahalangkaw  na TB incidence sa bilog na  Asya  asin saro man sa trenta y tres  na mga nacion na igwang  halangkaw na    TB-burden sa bilog na kinaban.

Katakod kaini  tangani soboot na   makamit an pagiging TB-free kan Pilipinas, kaipuhan soboot  mahanap asin mabulong an mga tinamaan kaini aisn maipasabot  sa lambang namamanwaan  an tamang impormasyon dapit  digdi tanganing  mapuho  na an  stigma sa helang na ini.