BICOL—Liwat na nangapudan ang DOH-Catanduanes sa paagi ni Provincial DOH-Officer Dr. Robert John Aquino sa gabos na mga senior citizens sa islang probinsya na dae na magduwa-duwa pang magpa bakuna kontra COVID-19 asin makisumaro sa nagpapadagos na vaccination roll out sa isla.
Segun ki Aquino, dakul pa kayang mga senior citizens ang takot pang magpa bakuna asin dapat pang matukaran nin health education manunungod digdi para mawara ang pag alangan asin takot na matudukan nin bakuna kontra sa nasabing helang.
Pangapudan kan doktor sa mga senior citizens, ikonsidera na ang pagpa bakuna ta kadaklan sa mga mortalities kainiyo iyo an mga nag e-edad 60-anyos pataas.
Iniyo suboot huli man sa rason na mas maluya na ang immune system kan mga may edad na kaya mas hababa ang tiyansa na malabanan ninda ang helang.
Sa paagi kan bakuna, matatabangan sinda kaining mairayo sa katibaadan asin sa posibilidad na maulakitan nin nakakagadan na virus.##