DOH-Davao nangandam, bastante nga suplay sa oxygen gisiguro

Gipangandaman na sa Department of Health-Davao Region nga mahimong bastante ang suplay sa oxygen sa Rehiyon Onse.

Sumala kang Dr. Raquel Montejo, DOH-Davao Local Health Support Division chief, ang rehiyon nagkinahanglan og 6,805 oxygen tank cylinders matag adlaw sa panahon sa surge subay sa surge plan nga ilang gisumite sa national government.

Subay matud pa sa inventory sa kagawaran, kadaghanan sa mga Local Government Units ug private hospitals Davao region walay kaugalingon nga oxygen generating plant ug nagsalig lang sa mga manufacturers nag dunay average daily available supply nga 2,062 oxygen tank cylinders.

Tungod niini duna pay kinahanglan nga 4, 087 tangke kung magpadayon ug musamot ang sitwasyon sa pandemya sa rehiyon.

Hinoon gikanayon sa opisyal nga dunay napalit nga dugang oxygen tanks ang ahensya nga takdang ipang-apod-apod sa nagkadaiyang temporary treatment and monitoring facilities (TTMF) ug hospitals sa rehiyon.

Nasayrang pipila lang ka ospital sa Davao Region ang dunay kaugalingong own oxygen generating plants sama sa Southern Philippines Medical Center, Davao Doctors Hospital, ug Davao Regional Medical Center apan subay sa abiso sa duha ka public hospitals, nihit na usab ang suplay sa ilang oxygen. BNFM-DAVAO

Leave a Reply

Your email address will not be published. Required fields are marked *