GIKUMPIRMA sa pangulohan sa Department of Health (DOH) 12 nga hangtud na lang karong bulana ang paghatag nila og supply sa ‘human anti-rabies vaccine’ ug maintenance alang sa diabetis.
Kini isip pagpangandam sa pag-devolved sa certain functions sa mga lokal nga panggamhanan ilawom sa Mandanas- Garcia ruling. Matud ni Dr. Arestides Concepcion Tan, director sa DOH-12 pasabot niini ang LGU na ang mopalit sa bakuna o maintenance alang sa ilang komunidad.
Ilawom sa mandu sa Korte Suprema, ang mga LGU’s ang makadawat og mas dako nga share gikan sa koleksyon sa nasudnong buhis. Gikaengon nga kini ang tubag sa problema sa mga LGUs sa wala pagpatuman sa mga proyekto tungod sa kakulangon og pondo.
Ilawom sa EO 138, ang mga LGUs ang makadawat og financial assistance pinaagi sa Growth Equity Fund (GEF) tumong matabangan ang fully implementation sa devolved functions ug serbisyo. I Richel Gubalani