Iniulat ng Department of Health ang dalawang karagdagang kaso ng Omicron BQ.1, isang sublineage ng highly transmissible BA.5 subvariant na nagdala sa kabuuang bilang ng mga kumpirmadong kaso sa 16.
Batay sa pinakabagong genome sequencing ng UP-Philippine Genome Center, Research Institute for Tropical Medicine, at San Lazaro Hospital mula November 21 hanggang November 24, ang dalawang bagong local cases ng BQ.1 ay nagmula sa Regions 2 at 7.
Nauna nang iniulat ng DOH na ang 13 lokal na kaso ay mula sa Cordillera Administrative Region, Regions 1, 4A, 7, at National Capital Region (NCR).
Hindi pa makumpirma ng ahensiya kung ang natitirang kaso ay isang returning overseas Filipino o ROF.
Sinabi ng officer-in-charge ng DOH na si Maria Rosario Vergeire na ang BQ.1 ay “more transmissible and highly immune evasive” kumpara sa ibang Omicron subvariants.//CA