DOH, nakapagtala ng 973 na bagong kaso ng COVID-19

Nakapagtala ng 973 na bagong kaso ng COVID-19 ang Department of Health kahapon kaya tumaas ang kabuuang bilang ng kaso sa buong bansa sa 4,056,239.

Ito ang pangalawang pagkakataon sa loob ng limang araw na ang mga bagong kaso ay mas mababa sa 1,000.

Batay sa pinakahuling datus ng DOH, bumaba ang active cases sa bansa sa 17,900 mula sa 18,262 noong Sabado.

Umakyat sa 3,973,910 ang bilang ng mga naka-recover habang nadagdagan ng 30 ang bilang ng mga nasawi na umakyat ngayon sa  65,064.

Ayon sa DOH, ang mga rehiyon na may pinakamaraming kaso sa nakalipas na dalawang linggo ay ang National Capital Region na may 5,841 na sinundan ng Calabarzon na may 2,452 at Central Luzon na may 1,206.//CA

Leave a Reply

Your email address will not be published. Required fields are marked *