DOH, tiniyak sa publiko na ipinatutupad nang may transparency ang mga programa sa mga cancer patients na nangangailangan ng tulong

Tiniyak ng Department of Health sa publiko na ipinatutupad nang may transparency ang mga programa nito para sa mga cancer patients na nangangailangan ng tulong.

Sa media briefing, sinabi ni DOH officer-in-charge Maria Rosario Vergeire, hindi lamang umano DOH ang nagbibigay ng desisyon at direksyon sa programang kundi isinama at isinangguni rin aniya nila ito sa mga eksperto.

Ang National Integrated Cancer Control Council ang highest policy-making body sa cancer control sa buong bansa.

Ang pahayag ni Vergeire ay kasunod ng pagbubunyag kamakailan ni Dr. Clarito Cairo Jr., ng DOH Disease Prevention and Control Bureau cancer control division program manager, na may matataas na health officials ang nagsabwatan umano sa multimillion fund para sa cancer program ng ahensiya.

Sa kabilang banda, binigyang-diin ni Vergeire na above board ang paglalaan ng pondo. Hinihintay na rin ni Vergeire na maisumite ang reklamong ito sa kanilang tanggapan upang makatugon aniya sila sa rito.//CA

Leave a Reply

Your email address will not be published. Required fields are marked *