DOH-XI malaumong maabot ang target sa 3 day National Vaxxx

Malaumon ang Department of Health-XI nga makab-ot niini ang gitinguhang gidaghanon sa mga indibdiwal nga mabakunahan sa tulo ka adlaw nga national vaccination.

Kini human pormal nga gisugdan kagahapong adlawa ang Bayanihan Bakunahan sa Davao Region sa  561 ka active vaccination sites.

Target niini ang 724,125 ka tawo nga mahatagan sa ilang first ug second dose gikan sa managlahing priority group samtang sa Davao City target ang 47,000 kada adlaw sa 26 ka vaccination sites.

Sa pahayag sa ahensya, pinaagi sa maong lakang maabot ang population protection ug sa tabang sa bakuna mamahimo matud pang sugaton ang Pasko ug Bag-ong tuig nga malipayon.

Luyo niini, aminado ni DOH-XI Assistant Regional Director Leni Joy Rivera nga daghang pang lugar sa Davao Region ang kinahanglan bakunahan kontra COVID-19 busa doble ang kampanya sa ahensya.

Leave a Reply

Your email address will not be published. Required fields are marked *