Inaasahan ng Department of Justice na ilabas sa Nobyermbre ang resolusyon ng mga reklamo laban sa mga miyembro ng Socorro Bayanihan Services Inc. (SBSI) para sa trafficking at pang-aabuso sa mga menor de edad.
Ayon kay Justice Undersecretary Nicholas Felix, target nila ang kalagitaan ng Nobyembre dahil kinakailangan pa nilang mag-file ng supplemental complaint, matapos lumabas ang mga bagong witness at alegasyon laban sa SBSI.
Aniya, alam nilang importanteng usapin ito kaya sinisikap ng ahensya na agad nilang ma-release ang resolusyon sa lalong madaling panahon.