Kinumpirma ni Justice Secretary Jesus Crispin Remulla na pumasok si suspended Negros Oriental Representative Arnolfo “Arnie” Teves sa Timor Leste para humingi ng asylum.
Sa kabila nito, tumangging magbigay ng komento ang legal counsel ni Teves na si Atty. Ferdinand Topacio.
Batay sa Immigration Service ng Timor Leste, iginagarantiya umano ng Democratic Republic of Timor-Leste ang karapatan ng asylum para sa mga foreigners at stateless persons na hinahatulan.
Maliban dito, nag-gagarantiya rin umano ang naturang bansa ng asylum para sa mga natatakot na mahatulan dahil sa race, religion, nationality, political opinion o membership ng partikular na social group, mga ayaw bumalik sa State of nationality o residence habitual.
Pero para kay Remulla, wala umano silang nakikitang anumang political reason para sa suspendidong mambabatas para humingi ng asylum sa Timor-Leste. //MHEL PACIA